بقلم . سناء سليمان سعيد

يا مجننة أمى
ومبهدلة أختى
ومشردة أخويا
قلبى بيعصر عصر
لأنك أنت أمى
شفت الظلام فيكى
وكمان هوان وذل
شفت العدا حواليكى
بيمزقوا فى الكل
شفتك بتبكى علينا
وكمان بتلملمى فينا
واحنا بنقتل قتل
واحنا بننهب نهب
واحنا بنحرق حرق
واحنا بنخرب أرض
واحنا بنهدم قصر
واحنا بنلبس لبس
مش لبس والدينا
أسود على عنينا
أحمر بلون الدم
لأجل ما نضرب ضرب
لأجل ما نقتل شاب
لأجل ما نخطف بنت
من وسط أهالينا
شاهدين علينا يا ناس
احنا اللى بنخرب
واحنا اللى بنشرد
واحنا اللى بناكل
فى لحم بعضينا
يا كسوفى من نفسى ***
لما احكى لأولادى
على حصل فى بلادى
وأدون فى كتابى
مسيرة هوان وذل
مسيرة دمار للكل
مسيرة خيانة وطعن
من كل اللى حواليكى
حزينة عليكى يا مصر